معلومات مهمة عن الفتيس الاوتوماتيك وكيفية الحفاظ عليه وإطالة عمره :

أولاً : الرموز الأساسية فى الفتيس واستعمالاتها

1- الـ P يعنى Park : بتوقف بيه العربية
2- الـ R يعنى Reverse : بيخلى العربية ترجع وراء (مارشدير)
3- الـ N يعنى Neutral : وضع التموير ( الموور )
4- الـ D يعنى Drive : وضع السواقة او المشى بالعربية

ثانياً: معلومات مهمة.

١- العربية مش هتدور على الـ D ولا على الـ R لإن بإختصار ال D و ال R بيفصلوا كهربة عن المارش تماما.
٢- عند الوقوف فى الإشارة هات الـ N اللى هو المور عشان تريح تروس الفتيس من اللف على الفاضى و تبقى العربية عايزة تطلع و انت ماسكها فرامل.
٣- و أنت بتجيب الـ D أو الـ R خلى رجلك على الفرامل قبل الوضع المطلوب لآن العربية حتمشي من غير ما تدوس بنزين لان التروس اتحركت و حركت العربية معاها .
٤- ممنوع تماما تنقل من نقلة لنقلة و العربية ماشية حتى لو ماشية على سرعة بطيئة لآن كده بتدمر تروس الفتيس مع الوقت لازم العربية تقف تماما.

ثالثا: الأوضاع التانية هى الـ L و الـ 2 و الـ 3

1- الـ L هو الغيار الاولانى و ده بتستخدمه فى المطالع الجامدة. لإنه بيدى عزم شديد على سرعة قليلة يعني ممنوع ناخد الوضع الـ L علي سرعة كبيرة هتكسر الفتيس اخرك 30 كم تجيب الـ L عليها.
2- الـ 2 هو الغيار التانى وتنقل عليه بعد الأول بيسمح للعربية تننقل بينهم.
3- الـ 3 هو الغيار الثالث وللعلم الغيار الأول والتانى والتالت فقط مش بتنقل للرابع.
ممكن عادى و انت ماشى على الـ L او ال 2 او ال 3 تجيب ال D مرة واحدة عادي لانه شغال على جميع النقلات في أي وقت عادي.

رابعا: الوقف الصح بالفتيس الأوتوماتيك :

تدوس فرامل و تجيب الـ N و ترفع الهاندبريك و تجيب ال P كده التحميل على الهاندبريك . و اللى وظيفتها توقف العربية لكن لما بتجيب ال P و بعد كده الهاندبريك انت كدة حملت العربية كلها على ترس الفتيس ومع الوقت ممكن يتكسر.